молитве сей даждь всякому молящемуся ей.
Молюся и прошу святаго собора пророческаго: Захария, Осию, Иесея, Иоиля, Михея, Исайя, Даниила, Иеремию, Амоса, Самуила, Илию, Елисея, Наума и Пророка Предтечу и Крестителя Господня Иоанна: - молю и прошу четырех Евангелистов, Матфия, Марка, Луку и Иоанна Богослова, и святых Первоверховных Апостолов Петра и Павла, и святых и праведных Богоотец Иоакима и Анну, и Иосифа обручника, и Иакова брата Господня по плоти, Симеона Богоприимца, и Симеона сродника Господня, и Андрея Христа ради юродиваго, и Иоанна Милостиваго, и Игнатия Богоносца, и Священномученика Анания, и Романа певца кондаков, и Марка Греческаго, и Кирилла Патриарха Иерусалимскаго и преподобнаго Ефрема Сирина, и Марка гробокопателя, и триех Святителей Велицых, Василия Великаго, Григория Богослова, и Иоанна Златоустаго, и иже во святых отец наших святителей Николай Архиепископа Мир Ликийских чудотворца, и святых митрополитов: Петра, Алексия, Ионы, Филиппа, Гермогена, Инокентия и Кирилла, Московских чудотворцев: Преподобных Антония, Феодосия и Афанасия, Киево-Печерских чудотворцев: Преподобных Сергия и Никона, Радонежских чудотворцев; Преподобных Зосиму и Саватия, Соловецких чудотворцев; Преподобных Гурия и Варсонофия, Казанских чудотворцев; Иже во святых отец наших: Пахомия, Антония, Феотосия, Пимена Великаго, и иже во святых отца нашего Серафима Саровскаго; Самсона и Данеила столпников; Максима Грека, монаха Милетия Афонский горы; Никона, Патриарха Антиохийскаго, Великомученика Кириака и матери его Иулиты; Алексия, человека Божия, и святых преподобных жен мироносиц: Марии, Магдалины, Евфросинии, Ксении, Евдокии, Анастасии; Святых Великомучениц Параскевы, Екатерины, Февронии, Марины яже проливших кровь свою за Тебя Христа Бога нашего и всех святых отвека Тебе угодивших, Господи, помилуй и спаси раба Твоего (имя), да не прикоснется к нему ни к дому его ни кое зло и лукавство ни в вечерний час, ни в утренний, ни во дни, ни в нощи да не прикоснется.
Сохрани его, Господи, от воздушных, тартарных, водяных, лесовых, дворовых и всякого рода других бесов и духов злобы.
Молю, Тя Господи, яже написася молитва сия святая Священномученика Киприана, утверждена и ознаменована бысть от Святыя Троицы на погубление и прогнание всякого зла, врага и супостата бесовских сетей, ловящих всюду человека колдовством и чародейством Садока и Нафаила нарицаемого Ефил и дщерей Самуиловых, искусных в чародеянии. Словом Господним утвердися небо и земля и вся еже в поднебесной, силою молитвы сия изгонися всякое вражеское наваждение и потворство. Призываю в помощь вся силы небесные и чиноначалия Твоя; Архангелы: Михаила, Гавриила, Рафаила, Уриила, Салафаила, Иегудила, Варахаила и Ангела хранителя моего: Силу Честнаго и Животворящего Твоего Креста и вся силы и духи небесныя и будет соблюден раб Твой, Господи (имя), и да будет посрамлено лукавство диавольское всею Небесною Силою во славу Тебе, Господи, Создателя моего и во славу Сына Твоего, Господа нашего Иисуса Христа, всегда ныне и присно и во веки веков. Аминь.
Господи! Ты един Всесильный и Всемогущий, сохрани по молитве Священномученика Киприана раба Твоего (имя). Трижды говорить это и трижды кланяться. Господи Иисусе Христе Слове и Сыне Божий, молитвою Пресвятыя Твоея Матери и Ангела хранителя моего, помилуй мя грешного раба Твоего (имя). Трижды говорить это и трижды кланяться.
Вси святии и праведнии, молите Милостиваго Бога о рабе (имя), да сохранит и помилует мя от всякаго врага и супостата. (Трижды говорить это и трижды кланяться.)
Да, молитва очень большая, но и польза от неё огромная.
Псалом 90
Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тме преходяшия, от сряща, и беса полуденнаго. Падет от страны твоея тысяща, и тма одесную тебе, к тебе же не приближится, обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на Мя упова, и избавлю и: покрыю и, яко позна имя Моё. Воззовет ко Мне, и услышу его: с ним есмь в скорби, изму его, и прославлю его, долготою дней исполню его, и явлю ему спасение Моё.
Молитва Иисусу Христу на избавление от порчи
Господи Иисусе Христе! Сыне Божий! Огради нас святыми Твоими ангелами и молитвами Всепречистыя нашия Владычици нашия Богородицы и Приснодевы Марии, силою Честного и Животворящего Креста, и всех святых, помози мне, недостойной рабе Твоей ( имя). Избави мя от всех навет вражеских, от всякого зла, колдовства, чародейства и лукавых человек, да не возмогут они причинить ему никакого зла. Господи, светом Твоего сияния, сохрани мя на утро , на вечер, на сон грядущий, и силою благодати Твоея отврати и удали всякие злые нечестия, действуемые по наущению диавола. Кто думал и делал, верни их зло обратно, в преисподнюю, яко Твое есть Царствие, и Сила, и Слова Отца и Сына и Святого Духа! Аминь.
Молитвы святым мученикам Гурию, Самону и Авиву
Молитва первая
О святии мученицы и исповедницы Христовы Гурие, Самоне и Авиве! Теплии о нас ходатаи и молитвенницы пред Богом, во умилении сердец наших, взирая на пречистый ваш образ, смиренно молим вас: услышите нас, грешных и недостойных рабов своих, сущих в бедах, скорбех и напастех, и призрев наша тяжкая и бесчисленная прегрешения, явите нам свою великую милость, воздвигните нас из глубины греховныя, просветите наш ум, смягчите злое и окаянное сердце, прекратите зависть, вражду и раздоры, в нас живущие. Осените нас миром, любовию и страхом Божиим, умолите милосерднаго Господа, да покрыет множество грехов наших Своим неизреченным милосердием. Да соблюдет Церковь Свою святую от неверия, ересей и расколов. Да подаст стране нашей мир, благоденствие, земли плодородие; супругам любовь и согласие; чадам послушание; обидимым терпение; обидящим страх Божий; скорбящим благодушие; радующимся воздержание. Всех же нас да покрыет Своею всесильною десницею, и да избавит от глада, губительства, труса, потопа, огня, меча, нашествия иноплеменников и междоусобныя брани, и напрасныя смерти. Да оградит нас ополчением святых Своих Ангелов, во еже избавитися нам по исходе нашем из жития сего от козней лукаваго и тайных воздушных мытарств его, и не осужденными предстати Престолу Господа Славы, идеже лицы святых Ангел со всеми святыми выну славят пресвятое и великолепое Имя Отца и Сына и Святаго Духа, ныне и присно и во веки веков. Аминь.
Молитва вторая
О преславнии мученицы Гурие, Самоне и Авиве! Защитите нас, раб Божиих (имена), от напастей злых человек и козней демонских: оградите нас от нечаянный смерти, избавите от огня, меча и всякаго душепагубнаго обстояния. Ей, страстотерпцы Христовы, устройте нам молитвами вашими вся благая и полезная, да благочестно житие временное прешедше и кончину непостыдну стяжавше, удостоимся теплым заступлением вашим со всеми святыми одесную Правосуднаго Бога Судии стати и Того непрестанно славити, со Отцем и Святым Духом, во веки веков.
Молитва третья
О, преславнии мученицы Гурие, Самоне и Авиве! К вам, яко скорым помощником и теплым молитвенником, мы немощнии и недостойнии прибегаем, усердно моляще: не презрите ны, во многая беззакония впадшия и по вся дни и часы согрешающия; наставите на путь правый заблуждшия, исцелите страждущия и скорбящия; соблюдите ны в непорочнем и целомудреннем житии; и якоже древле, тако и ныне покровителие супружеств пребудите, в любве и единомыслии сия утверждающе и от всех злых и бедственных обстояний избавляюще. Защитите, о многомощнии исповедницы, вся православныя христианы от напастей, злых человек и козней демонских; оградите я от нечаянныя смерти, умоляюще Всеблагаго Господа, да великия и богатыя милости нам, смиренным рабом Своим, пробавит. Несмы бо достойни нечистыми устнами призывати великолепое имя Создателя нашего, аще не вы, святии мученицы, за ны ходатаи будете; сего ради к вам прибегаем и предстательства вашего пред Господем о нас просим. Такожде избавите нас от глада, потопа, огня, меча, нашествия иноплеменных, междоусобныя брани, смертоносныя язвы и всякаго душепагубнаго обстояния. Ей, страстотерпцы Христовы, устройте нам молитвами вашими вся благая и полезная, да благочестно житие временное прешедше и кончину непостыдну стяжавше, удостоимся теплым заступлением вашим со всеми святыми одесную Правосуднаго Бога Судии стати и Того непрестанно славити со Отцем и Святым Духом во веки веков. Аминь.
Тропарь мученикам Гурию, Самону и Авиву, исповедникам
Тропарь, глас 5
Чудеса святых Твоих мученик стену необориму, нам даровавый, Христе Боже, тех молитвами советы языков разори, Церковь святую укрепи, яко един Благ и Человеколюбец.
Честному Животворящему Кресту
Накладывайте на себя крёстное знамение и говорите молитву Честному Кресту:
Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю, и даровавшаго нам тебе Крест Свой Честный на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.
Молитва "Верую"
Верую во единого Бога, Отца Вседержителя, Творца неба и земли, видимого же всего и невидимого. И во единого Господа Иисуса Христа, Сына Божия Единородного и от Отца рождённого прежде всех век: Бога от Бога, Свет от Света, Бога истинного от Бога истинного, рождённого, не сотворённого, Отцу единосущного: через Него же было создано всё. Ради нас, людей, и ради нашего спасения сошедшего с небес и воплотившегося от Духа Святого и Марии Девы, и вочеловечившегося. Распятого за нас при Понтии Пилате, страдания принявшего и погребённого. И воскресшего в третий день по Писаниям, и восшедшего на небеса, и одесную Отца сидящего: и вновь грядущего со славой судить живых и мёртвых, Его же Царству не будет конца. И в Духа Святого, Господа животворящего, от Отца и Сына исходящего: Ему вместе с Отцом и Сыном воздаётся поклонение и слава, Он же вещал через пророков. И во единую, святую, вселенскую и апостольскую Церковь. Исповедую единое крещение во оставление грехов. Ожидаю воскресения мёртвых и жизни будущего века. Аминь.
Молитвы Ангелу Хранителю
Ангел Хранитель - это главный заступник души человека пред Богом. Молитва своему Ангелу Хранителю всегда очень действенна. Нужно испрашивать в молитвах своего Ангела Хранителя
