Оригинал стихотворения
Тамары Ганиевой
Даға
Фрузаға
Үҙ ғаләме кеүек күрҙе атай
Ауыл осондағы урманды.
Ул урмандың борма һуҡмаҡтары
Беҙҙең яҙмышҡа ла уралды.
Төпкөл яландарҙың уйһыуында
Нисәү ине икән шишмәбеҙ?
Сәйнүк ҡайнатабыҙ.
Әпәй ҡушип,
Үләндәрҙең сәйен эсәбеҙ.
Үҙебеҙ генә белгән баланлыҡ бар,
Үҙебеҙ белгән ҡурай еләклек.
Бер саҡ
(Ярай атай ҡыйыу беҙҙең!)
Йылан ояһына эләктек.
-"Ҡурҡышмағыҙ!
Туҙбаш йылан былар,
Яҡши ергә генә эйәләй.
Ағыуы юҡ".
...Беҙҙең ҡулда — тырма,
Ә атайым бесән күбәләй.
Ҡайтыр юлда әйтә килә үҙе:
-"Беҙҙең биләмә был күп саҡтан.
Ғәни ҡарттың, минең табан эҙе —
Һеҙгә ҡала.
Аслан бутамағыҙ,
Тайпылмағыҙ ошо һуҡмаҡтан.
Һеҙгә, ҡыҙҙар, бигүк ышанмайым,
Малайҙарҙа барса өмөтөм.
Бынау имәнгә мин тамға һуҡтым,
Билдәгә тип даға беркеттем".
...Их, атайым!..
Һинең малайҙарға
Тамғаң ни ҙә, дағаң...
Түҙмәнек,
Һылыуым менән бер көн ширлыҡ
йырып,
Шул дағаны ҡыҙырып эҙләнек.
Табалманыҡ.
Тимәк, Беҙгә әле
Ҡолон үҫтерәһе.
Һәм аҙаҡ
Үҙебеҙҙең аттың бер дағаһын
Күккә ҡуяһы бар ҡаҙаҡлап.
| Реклама Праздники 20 Октября 2024Работников пищевой промышленностиРаботников дорожного хозяйстваДень военного связиста 30 Октября 2024День моряков-надводников 22 Октября 2024Праздник Белых Журавлей 1 Января 2025Новый год 7 Января 2025Рождество Христово Все праздники |